வள்ளுவ🪔யார் -1

பெண்ணின் பெருந்தக்க யாவுள கற்பென்னும்
திண்மைஉண் டாகப் பெறின்.

இல்வாழ்க்கையில் கற்பு என்னும் உறுதிநிலை இருக்கப் பெற்றால், பெண்ணைவிட பெருமையுடையவை வேறு என்ன இருக்கின்றன?.

Translation:

What is more excellent than a wife, if she possess the stability of chastity ?.

Explanation:

If woman might of chastity retain, What choicer treasure doth the world contain? .

ஔவையார் இயற்றிய கொன்றை வேந்தன்

பாடல்:

கற்பெனப் படுவது சொற்றிறம் பாமை

பதவுரை:

கற்பு எனப்படுவது - (பெண்களுக்குக்) கற்பென்று சொல்லப்படுவது,

சொல் - (கணவர்) சொல்லுக்கு,

திறம்பாமை - தப்பி நடவாமையாம்.

விளக்கம்:

மகளிர்க்குக் கற்பு என்று சொல்லப்படுவது கணவர் வார்த்தைக்கு மாறுபட்டு நடவாமையாம்.

பாடல்:

காவ றானே பாவையர்க் கழகு

பதவுரை:

காவல்தானே - (கற்புக்கு அழிவு வராமல் தம்மைக்) காத்துக்கொள்வதுதானே,

பாவையர்க்கு - பெண்களுக்கு,

அழகு - அழகாகும்.

விளக்கம்:

கற்பினின்று வழுவாமல் தம்மைக் காத்துக் கொள்வதே மாதர்களுக்கு அழகாகும்.